ILOILO – Handa na ang bilog nga pwersa sang kapulisan para sa pagsaulog sang tigakaralag bwas nga adlaw.
Sa interview sang Bombo Radyo kay Pol. Lt. Col. Joem Malong, tagapamaba sang Police Regional Office 6 iya ginpahayag nga gina implementa nila subong ang Oplan Ligtas Undas 2019 kun sa diin naka deploy ang 2,085 ka mga kapulisan sa mga nagkalain-lain nga patyo sa syudad kag probinsya sang Iloilo.
Suno kay Malong, fully deployed na ang tanan nga personnels sang Philippine National Police nga magabulig sa trapiko, sa mga dalanon, transportation hubs, kag mga patyo.
Dugang sang natungdan, may yara man sang nakahamtang nga mga Police Assistance Desk nga handa mag hatag bulig sa mga nagapadulong sa patyo.
Gin athag naman sang natungdan ang mga bagay nga ginadumilian sa sulod sang patyo kaangay sang makahululubog nga ilimnon, deadly weapons, tuman ka gahod nga sonata kag sugal.
