ILOILO CITY – Gindayaw ni Police Regional Office 6 Director Police Brigadier General Rene Pamuspusan ang tanan nga frontliners.
Sa iya ginhatag nga mensahe sa Kampo Delgado, ginpahayag ni Pamuspusan nga dalayawon ang tanan nga frontliners nga padayon nga nagatrabaho apisar sang Coronavirus Disease 2019 (COVID-19).
Suno kay Pamuspusan, kadungan sang ginapatuman nga Enhanced Community Quarantine, nagnubo man ang crime rate sa bug-os nga Western Visayas.
Naglab-ot suno kay Pamuspusan sa 45% ang gin nubo sang crime rate sa rehiyon apang sa pihak sini, indi dapat magkampante ang tanan.
Kinahanglan sa gihapon suno sa PRO 6 Director nga mangin alerto sa posible nga matabo.
