ILOILO CITY – Ginmanduan na ni Police Regional Office 6 Director Police Brigadier General Rene Pamuspusan ang mga kapulisan sa probinsya sang Iloilo nga imbestigaran ang mga anomaliya sa pagpanagtag sang Social Amelioration Program sang Department of Social Welfare and Development.
Sa interview sang Bombo Radyo kay Lt Col Gilbert Gorero, acting Regional Public Information Officer sang Police Regional Office 6 iya ginpahayag nga nagakadapat nga indi na maghulat pa ang mga kapulisan nga may magreklamo nga pumuluyo antes magpatigayon sang imbestigasyon.
Suno kay Gorero, nagakadapat nga gilayon nga magpatigayon sang imbestigayon agud mahibaluan kun may yara sang barangay official nga naga abusar sang iya poder sa pagpanagtag sang nasambit nga ayuda.
Dugang sang natungdan, mahimo man nga makig-angot sa ila ang mga pumuluyo nga luyag magreklamo may kaangtanan sa anomaliya nga nagakatabo sa ila nga barangay.
