ILOILO CITY- Masami bala nagabasa ang imo ilok bangud ginabalhas?
Suno kay Dr. Stephanie S. Gardner, isa ka dermatologist, ang mga pagkaon nga may low fiber content ang nagapwersa sang imo digestive system nga mag work overtime agud tunawon ang imo pagkaon.
Ang high-sodium diet nagakahulugan nga ang imo lawas ang kinahanglan magdetox sang asin paagi sa balhas kag ang pagkaon nga high in fat ang kabangdanan nga nagainit ang imo lawas samtang ginaproseso sang imo lawas ang fat.
Yari ang mga pagkaon nga dapat mo likawan agud malikawan mo man ang basa pirmi nga ilok- processed foods, ilimnon nga may alkohol, garlic and onions, makahang nga pagkaon kag ice cream.
Yari naman ang ilimnon kag pagkaon nga nagapabuhin sang sweating– tubig, pagkaon nga may high calcium content pareho sang dairy products kag cheese, almonds, bananas,vegetables kag fruits nga may high water content pareho sang watermelon, grapes, broccoli, spinach, cauliflower, bell pepper, kag eggplant.
