ILOILO – Nagpaandam ang Provincial Health Office sang Probinsya sang Iloilo sa epekto sang balatian nga Leptospirosis kadungan sang tig-ululan.
Sa interview sang Bombo Radyo kay Dr. Maria Soccoro Quiñon, Provincial Health Officer , iya ginpahayag nga subong nga tig-ululan kinahanglan nga may yara sang proteksyon ang mga tawo sa pagduging sang leptospirosis.
Suno kay Quiñon, ang leptospirosis ang nagahalin sa ihi sang ilaga.
May yara naman suno sa natungdan sang pulo ka total cases subong nga 2019 sa diin ang banwa sang Oton ang may duha ka kaso, Cabatuan nga may duha, Dueñas nga may isa, San Enrique nga may isa ka kaso, Miagao isa, Barotac Nuevo isa, San Miguel Isa kag San Joaquin nga may isa ka kaso sang leptos pirosis.
Kun may pilas naman sa tiil nga wala naggamit sang proteksyon kaangay sang botas suno kay Quiñon, mahimo ini nga masudlan sang bacteria ukon ihi man sang ilaga nga nagadala sang nasambit nga balatian.
Mahimo man nga malatnan sang balatian sa tion nga mainom ang tubig nga kontaminado sang ihi sang ilaga ukon magsulod sa mata.
Panugyan sang doktor sa tion nga may yara sang sintomas sang leptospirosis kaangay sang hilanat, pagpalanakit nga kalawasan kag naga yellowish, gilayun nga magkadto sa pinakamalapit nga health center ukon hospital.
