Mas hugton pa sang Philippine Sports Commission ang mga ginapatuman nila nga lihok agud masigurado nga padayon ang ila nga suporta sa mga miyembro sang national team.
Ini matapos nga nagpagwa sang direktiba ang Department of Budget and Management may kaangtanan sa mga proyekto nga kanselahon kag mga aktibidad nga gindumilian na sang Inter-Agency Task Force on Emerging Infectious Diseases sa diin isa diri ang pagkansela sa tanan nga sports activities tubtob Desyembre subong nga tuig,
Nahisugtan man sang board nga bawion ang financial support sa 10th ASEAN Paragames.
Sa pihak sini, tumanon sa gihapon sang Philippine Sports Commission ang una na nila nga nahisugtan sang ASEAN Paragames agud masabat ang initial nga operations expenses.
