Nag-atubang sa Senado ang isa ka pulis nga ginatudlo gunman sa isa sa mga gintuyo nga asasinasyon sa Negros Oriental nga gin-alegar nga ang utok amo man si suspended Negros Oriental Third District Representative Arnie Teves Jr.
Ang amo nga police officer amo si Police Staff Sgt. Noel Alabata nga assigned sa Philippine National Police Drug Enforcement Group sa Western Visayas.
Sa amo nga Senate inquiry nga nakatutok sa imbestigasyon sa pagpatay kay Negros Oriental Governor Roel Degamo, gin-examine sa panel ang shooting incident nga natabo sa Dumaguete City sang 2021 kun sa diin ang gintuyo nga patyon amo ang mga business owners nga sanday Jason Ong kag Sandy Tinguha.
Ginpahayag sang amo nga mga negosyante nga luyag ni Teves ang ila negosyo nga tocinohan, bangud ginpahayag nga kinahanglan sini ang magagmay nga mga negosyo agud nga ma-legitimize ang gina-alegar iya iligal nga mga online gambling businesses.
Mangin si Dumaguete Police chief Police Colonel Ramoncelio Sawan ang nag-identify man kay Police Staff Sgt. Noel Alabata nga amo ang arestado nga suspect sa amo nga insidente.
Suno sa testimoniya nanday Ong kag Tinguha, gintiro sila ni Alabata samtang yara sila sa ila gamay nga restaurant sa Dumaguete City apang wala naigu si Tinguha.
Sang ulihi, natiruhan sa liog si Alabata kag ginkastigo sang staff sang restaurant.
Sang ulihi, ginpanginwala man ni Alabata nga natiruhan ini kag ginsiling sini nga ang agi sa iya liog ang tuga sang kutsilyo kag indi sang igu sang bala.
Mangin ang doktor nga nagbulong sa iya nga present man sa hearing ang nagkontra man sa pahayag ni Alabata.
Nadiskubrehan man sang ulihi nga ang pangalan sang pulis ang wala gingamit sa medical records kundi gingamit lamang ang alyas nga “Mr. X”.
Sang ginkwestyon, gin-alegar naman ni Alabata nga wala na siya sang klaro nga madumduman sa insidente bangud wala siya sang pangalibutan sang amo nga tion rason nga nanginit ang mga senador.
Sang makapila ka beses na nga ginkwestyon, naga-lain lain na ang sabat sang pulis kag ginsiling nga wala na siya sang madumduman sa iban nga hitabo bangud nadulaan siya sang pangalibutan sang amo nga tion.
Diri kag nanginit si Senator Bato Dela Rosa nga amo ang chair sang Senate Committee on Public Order and Dangerous Drugs kag diri na kag gin-cite in contempt ang amo nga pulis.
