Ginhublasan kag gin-gaid sa poste ang isa ka pulis matapos ini nga nagpinamuyayaw.
Natabo ini sa Para, Brazil.
Base sa imbestigasyon, ginpangbuyayaw sang pulis ang mga empleyado sang isa ka energy company.
Suno sa mga empleyado, nagub-an sang makina ang ila truck sa tunga sang karsada kag natabuan nga naglabay ang pulis gani indi makaagi ang iya salakyan.
Didto ini nanaug kag nagpinangakig.
Apisar gintulod pahigad sang mga empleyado ang truck, wala nakuntento ang pulis sa espasyo gani namwersa pa gid ini.
Didto na siya ginpulihan sang mga tawo, ginhublasan kag gin-gaid sa poste bag-o sila nagtawag sang pulis.
Base sa otoridad, naka-sick leave ang amo nga pulis kag wala naka-duty.
Gin-aresto ini kag ginpasakaan sang kaso ang amo nga pulis.
