Pulis, pilason matapos maaksidente sa San Miguel, Iloilo

ILOILO CITY–Wala sang pangalibutan nga ginpadulong sa ospital ang isa ka pulis matapos nadisgrasya sa ginamaneho nga motorsiklo sa Roxas Street, San Miguel, Iloilo.
Ang biktima ang ginkilala kay PO3 Efren Buscar, tumandok sang Brgy. San Jose, San Miguel, Iloilo kag na-assign sa San Miguel Municipal Police Station.
Sunu sa mga nakakita sang aksidente, wala matalupangdan sang pulis ang buho nga nahamtang sa tunga sang dalan bangud wala sang warning device kag madulom ang lugar.
Wala naman sang helmet ang pulis rasun sang iya pag-angkon sang madalom nga pilas sa ulo, paguwa sang madamo nga dugo sa iya nga ilong tuga sang pagkabunggo kag pagnusnos sang iya ulo sa karsada.
 
Yara naman sa hilway nga kahimtangan ang pulis.