Nagpaandam si Senate President Vicente Sotto III batok sa paggamit sa mga politiko sa vaccine infomercials.
Suno kay Sotto, indi ini maayo nga suhestyon bangud sa baylo nga maengganyo sini ang mga tawo sa COVID-19 vaccines, basi kun mainit pa gani ang publiko.
Mausikan lang ang kwarta suno kay Sotto.
“Pangit na suggestion ‘yun. Bakit gagamitin mo ang mga pulitiko?…Maiinis pa ang tao doon. Apat na pung taon ko ng pinupulsuhan ang masa, alam ko ang ayaw nila at gusto. Ayaw nila noon, ayaw nila. Hindi tatalab ang infomercial mo pag ginamitan mo ng pulitiko.”
Una diri, may nga suhestyon nga nagagwa nga mag-release sanday President Rodrigo Duterte kag Vice President Leni Robredo sang ‘joint public service announcement nga mahimo makapataas sang kumpiyansa sang publiko sa bakuna.
Si Sen. Joel Villanueva ang nagpanugyan sini sang nagligad nga Mayo 20 bangud suno sa iya, ang duha ka pinakamataas nga opisyal sa pungsod ang buhi nga pamatuod nga wala sang malain nga dulot ang bakuna.
Apang kun si Sotto naman ang pamangkuton, athletes ukon famous personalities ang dapat nga gamiton sa infomercials bangud basi kun kabigon pa sang publiko nga form of publicity kun politiko ang gamiton.
“Gumamit ka ng karaniwang tao. Gumamit ka ng mga kilalang tao na nirerespeto, lalo na yung hindi konektado sa pulitika, yun ang gamitin mo. Bakit mo gagamitin yung mga pulitiko? Plugging pa yun eh, halatang-halata naman,” pahayag sang senate leader.
