Suportado ni Davao City 1st District Representative Paulo “Pulong” Duterte ang iya utod nga si Vice President Sara Duterte.
Kasunod ini sang gin-isyu nga arrest warrant kay Vice President Sara Duterte sang Quezon City Regional Trial Court sang byernes nga adlaw, sa kaso sini nga Grave threats matapos ang ginaalegar plano sini nga assassination kanday President Ferdinand Marcos Jr.
Sa social media post ni Pulong Duterte, ginpakigbahin sini ang black and white poster ni Sara kag may nakabutang nga,”I am with VP Inday. I am a Filipino and I don’t feel safe.”
May kaangtanan ini sa pahayag sang bise presidente kahapon nga adlaw antes pa ini nga nagpyansa nga nakabatyag sya nga indi sya safe kag nakabatyag man nga posible pa sya nga patyun.
Nahibaluan nga nakapyansa na ang bise presidente sang kabilugan nga P360,000 kahapon nga adlaw kasunod sang three counts of grave threats nga ginpasaka sa iya.
![Pinterest](https://pinterest.com/pin/create/button/?url=https://iloilo.bomboradyo.com/pulong-duterte-i-am-a-filipino-and-i-dont-feel-safe/&media=https://img.bomboradyo.com/iloilo/2026/09/PULONG-DUTERTE.webp&description=Suportado sang ni Davao City 1st District Representative Paulo "Pulong" Duterte ang iya utod nga si Vice President Sara Duterte.){kind=link}