ILOILO CITY – Epektibo na subong nga adlaw, Hunyo 4, ang pag-require sang quarantine pass sa mga tawo sa syudad sang Iloilo.
Isa lang ka quarantine pass ang i-isyu sa kada panimalay agud nga makabakal sang nagapanguna nga kinahanglanon sa gwa; halimbawa, pagkaon kag bulong.
Mahimo ini nga ma-isyu sa head of the family, ukon sa iya tiglawas, apang dapat siguraduhon nga indi kabahin sang vulnerable sector ang magakuha sini (halimbawa, senior citizen, nagabusong, tawo nga nagaedad 18 anyos panubo, may comorbidities, kag mga PWDs).
Sa Punong Barangay kuhaon ang quarantine pass.
Indi na required ang quarantine pass para sa mga Authorized Persons Outside of their Residences (APOR) apang kinahanglan nga ipresentar ang Identification Card ukon ID.
Santo sa Executive Order Number 50-A, ang mga ginakonsiderar nga APOR amo ang mga masunod:
- Health and emergency frontline personnel
- Government officials kag government personnel
- Justices, Ombudsman, Deputy Ombudsman, Judges of the Regional Metropolitan, Municipal and City Courts, Court Employees, Prosecutors and Lawyers
- Otorisado nga mga humanitarian assistance actors
- Mga tawo nga nagabyahe para sa medical ukon humanitarian reasons
- Mga tawo nga nagabyahe halin kag padulong sa airports kag may yara na sang confirmed airline tickets
- Mga tawo nga nagatabok-tabok para sa negosyo nga ginapahanugutan sang LGU of destination kag mga tawo nga may aktibidad nga ginahapanugutan sang IATF kag mga tawo nga nagapauli sa ila balay
- Mga driver, crew, kag operator sang pampubliko nga salakyan
- Mga APOR halin sa national government agencies kag iban pa nga government offices/corporations
- Mga APOR nga nagatrabaho sa pribado nga sektor nga nagatrabaho sa mga establisemento nga ginatugutan ang mga operasyon
- Mga APOR nga may mga negosyo (lakip na ang mga self-employed) nga yara sa livelihood sectors. Ini nga mga tawo ang dapat mag-claim sang travel pass halin sa alkalde. Ang alkalde ang mahimo maka-delegate sini nga obligasyon sa mga punong barangay.
- Mga nagatrabaho sa media
- Mga nagatrabaho sa BPO kag mga export-oriented nga mga personnel
- Mga delivery personnel
- Mga opisyal sa barangay, mga tanod, mga miyembro sang Barangay Health Emergency Response Teams ukon BHERTs
- Mga first-degree family members sang napatay nga indibidwal nga nagabyahe agud nga magatambong sa lubong
- Mga lider sang religious denominations para sa religious function
Ang mga empleyado sa essential nga mga establisemento ang required nga magpakita sang travel pass nga may nakabutang nga schedule sang days of duty.
Epektibo ini nga pagsulundan samtang yara pa sa Modified Enhanced Community Quarantine (MECQ) ang syudad sang Iloilo.
