Aprubado na ang ordinansa nga nagapahanugot sa Team Uswag nga magpatigayon sang foot parade sa Oktubre 8 kadungan sang pag-file sang certificate of candidacy sang grupo.
Sa interview sang Bombo Radyo kay Iloilo City Councilor Sedfrey Cabaluna, iya ginpahayag nga base sa gin-request sang Team Uswag, ang ruta sang foot parade amo ang Gen.Blanco St.- Mapa St.- Ledesma- Quezon St.- De Leon St.- Mabini St.
Bangud sini, may yara sang ipatuman nga road closure kag apektado ang nasambit nga mga dalan.
Ini ang magasugod sa alas-dos sa hapon tubtob alas-kwatro sa hapon.
Ang Team Uswag ang ginapamunuan ni Iloilo City Mayor Jerry Treñas.
Gin-athag naman ni Cabaluna nga sa kampo naman ni Iloilo City Lone District Representative Julienne Baronda, wala sang kasubong nga request nga nabaton ang council.
Suno sa opisyal, alang-alang naman kun magpadala pa sang request bangud wala na sang session ang council nga nasulod sa schedule sang filing sang COC.
Apang, mahimo sa gihapon nga maghiwat sang parada ang kampo ni Baronda sa kondisyon nga moving traffic ini kag mag-coordinate sa Transportation and Traffic Management Office (TTMO).
