ILOILO – Pabor si Iloilo 4th District Board Member Rolando Distura nga ideklarar ang State of Calamity sa pila ka banwa sa probinsya sang Iloilo nga naapektuhan sang Bagyo Ursula.
Sa interview sang Bombo Radyo kay Distura, iya ginpahayag nga bilang chairman sang Committee on Disaster Risk Reduction and Management kag Committee on Infrastructure sa Sanguniang Panlalawigan, luyag gid niya nga mabuligan ang mga naapektuhan sang kalamidad.
Suno kay Distura, mahimo nga sa Enero 7 kadungan sang regular session sang Sanguniang Panlalawigan, mahimo nga maaprobahan na ang resolusyon nga nagadeklarar nga ipaidalom sa State of Calamity ang mga banwa ilabi na sa 5th district.
Ginpahayag ni Distura nga antes pa man aprobahan ang nasambit nga resolusyon, kinahanglan nga matipon ang tanan nga data agud mahibalu-an ang kabug-usan nga halit sang bagyo.
