ILOILO CITY – Wala sang penetration sa kinatawo sang 16 anyos nga dalagita nga una nga nagreklamo nga ginhimuslan sang kaugalingon nga amay sa Brgy. San Pedro, Molo, Iloilo City.
Ini matapos nga nagguwa ang resulta sang medical examination kag may kaangtanan diri, emosyonal ang 65 anyos nga amay nga nagpahinago sa pangalan nga Buddy.
Sa interview sang Bombo Radyo kay Buddy, iya ginpahayag nga tuman kasakit para sa iya nga mahuy-an bangud sa patu-pato nga reklamo sang iya anak.
Sa pagkamatuod suno kay Buddy, natukiban niya mismo nga may natabo sa tunga sang 16 anyos nga anak kag sang kahagugma sini.
Ginpahayag sang amay nga bangud sa tuman nga kaakig, ginsakit niya ang dalagita kag nakahanda siya nga atubangon kun ano man ang kaso nga ipasaka batok sa iya.
Sa subong, preso sa Molo Police Station ang amay bangud sa kaso nga child abuse.
