Dal-on nanday Sharon Cuneta kag Gabby Concepcion ang ila “Dear Heart” reunion show sa Estados Unidos sang Amerika kag Canada subong nga tuig.
Sa separado nga announcement sang anay mag-asawa, ginpahayag nga matabo ang ila collaboration sa shows sa Oktubre kag sa Nobyembre.
“I know a lot of you have been waiting for us to confirm the rumors. I would like to every one of you to North America — in the USA and Canada — on October and November 2024 for the ‘Dear Heart’ concert tour,” pahayag sang Megastar.
Matandaan nga una ginpatigayon sang duha ang reunion concert sa Cebu kag Pasay City sang October kag November 2023.
Ini nga show ang gin-base sa pelikula sang 1981 nga may amo man nga tig-ulo.
Una na gin-ako sang singer-actress nga siya kag si Gabby ang maga-updanay kuntani sila sa show nga “P.S. I Love You” apang wala nadayon ang mga negosasyon.
Kasado sila nga duha sang 1984, may isa ka anak nga amo ang actress-singer nga si KC Concepcion, apang gin-annul ang ila kasal sang 1987.
Malipayon subong ang ex-couple sa ila bag-o nga partners — si Sharon kay former senator Francis “Kiko” Pangilinan, samtang si Gabby naman sa non-showbiz wife nga si Genevieve Yatco Gonzales.
