Nagpaidalom man sa High Alert Status ang Philippine Red Cross, matapos ang nangin aktibidad sang Bulkan Mayon kahapon sang hapon, Mayo 2, 2026, nga nagtuga sang ashfall sa pila ka malapit nga lugar sa bulkan.
Narecord sa nasambit nga bulkan ang pyroclastic density currents (PDCs), minor Strombolian activity kag lava flow nga nagtuga man sang pila ka mga rockfalls.
Nagakoordinar man ang PRC sa Local Government Units kag Disaster response sang lugar sa tion nga kinahanglanun na sang dugang nga bulig samtang aktibo pa ang Mayon.
Ginpakigbahin man sang organisasyon nga padayun sila nga nagapahanumdom sa mga residente nga likawan gid nga magpalapit sa mga danger zones agud mapalayo man ang mga ini sa kun ano nga insidente, samtang yara pa ini sa Alert Level 3.
