Nagduso sang hagna si Senator Robin Padilla agud mahimo nga legal sa Pilipinas ang medical marijuana ukon cannabis.
Sa Senate Bill No. 230 ukon “Medical Cannabis Compassionate Access Act of the Philippines” nga gin-file subong nga Byernes, ginpahayag nga pahanugutan ang medical cannabis agud bulngon ang medical condition ukon sintomas nga ginapakita sang qualified patient.
Covered man sang legalization sini nga medical cannabis ang acquisition, possession, transportation, delivery, dispensation, administration, cultivation, kag manufacturing for medical purposes.
Ang nasaad nga “debilitating medical conditions” sa qualified patients amo ang mga masunod: cancer; glaucoma; multiple sclerosis; damage to the nervous system of the spinal cord, with objective neurological indication of intractable spasticity; epilepsy; positive status for human immunodeficiency virus (HIV) or acquired immune deficiency syndrome (AIDS); kag rheumatoid arthritis ukon chronic autoimmune inflammatory disorders.
Sa pag-file sang Senate Bill 230, nagduso man si Padilla sang pagpasangkad sang pagtuon sa medicinal properties sang marijuana nga ginagamit na sang iban nga pungsod bilang herbal medicine sa pagbulong sa mga kondisyon kaangay sang gout, rheumatism, kag malaria. ##
