Indi matupungan ang kalipay nga nabatyagan sang P100K regional winner sa One Two Panalo Part 23 Promo sang Bombo Radyo kag Star FM!
Ini amo si Rosalia Alavez, 56-anyos, residente sang Veterans Village, Iloilo City kag naggamit sang proof of purchase nga MX3 Capsule.
Sa interview sang Bombo Radyo kay Alavez, iya ginpahayag nga ini ang labing-una nga kahigayonan nga nagdaog siya sa amo nga promo.
Suno kay Alavez, wala siya nagalaum nga siya ang makakuha sang first prize nga P100,000 sa Visayas Region.
Gamiton ni Alavez ang iya nadag-an sa pagpakay-o sang iya nga balay bangud masami ini nga nagatulo kon mag-ulan.
Para sa iya, isa ini ka dako nga bugay bangud wala siya naga-untat sa pagpamati sa Bombo Radyo sugod sign on tubtob sign off.
