Ginkumpirma sang Sandiganbayan Fifth Division paagi kay Presiding Justice Geraldine Econg nga wala pa sang na-isyu nga warrant of arrest batok kay Senator Jinggoy Estrada sa ginapangatubang sini nga kaso nga plunder.
Suno kay Econg nga ini bangud may ara pa sang pending motions si Estrada kag kinahanglan pa ini nga egaresolbar.
Pahayag pa sini nga ang plunder nga ang kaso batok sa Senador non-bailable offense gani kun mapaguwa na ang warrant of arrest gilayon ini nga makurong magluwas lamang kun pahanugutan sang korte ang petisyon para makapagpiyansa samtang nagapadayon ang kaso.
Samtang, nagpagwa naman sang warrant of arrest ang Sandiganbayan Second Division batok kanday Estrada kag anay DPWH chief Manuel Bonoan para sa magbulagay nga kaso.
Pareho ang mga ini nga nagpyansa sang 90, 000 pesos para sa ila nga temporary nga kahilwayan.
Suno kay Econg, nauna na nga na-diskusyunan ang graft case bag-o pa magsumite sang urgent motion si Estrada, gani gilayon nga nadesisyunan nga may ara sang probable cause para magpaguwa sang warrant kag hold departure order.
