Naglunsyar sang $1 million research project ang International Atomic Energy Agency kag United Nations food agency agud nga makontrol ang screwworm outbreak nga maglapta sa mga estado sang America.
Ang screwworm ang isa ka klase sang parasite nga nagakaun sang karne sang buhi nga mga sapat.
Suno sa mga awtoridad, 40 ka tuig na ang nakaligad sang ulihi ini nga nadetect sa Estados Unidos sang America ilabi na sa Mexico kag Central America.
Ini nga klase sang outbreak amo ang dako gid nga kabalaka para sa mga livestock kag poultry farmers, pet-owners, kag sa iban pa nga mga sapat.
Nangin rason man ini sang pagtaas sang presyo sang karne sang baka nga isa man sa mga delikado nga sapat sa nasambit nga outbreak.
Sa subong, padayun pa nga nagaubra sang mga lihok ang mga awtoridad sang America agud gilayon nga matapna ang nasambit nga screwworm outbreak.
