Magatukod ang Securities and Exchange Commission (SEC) sang opisina nga amo ang maga-monitor sang lending companies.
Suno sa Department of Finance, ini ang kabahin sang pagpanglagas batok sa iligal kag abusado nga mga lenders.
Una na nga naghingyo ang DOF sa SEC nga pabaskugon pa ang pwersa batok sa nagapinagusto nga lending companies nga nagapataw sang tuman ka taas nga interest rates.
Suno pa sa reports may iban pa nga kumpaniya nga nagapamahog kag nagainsulto sa mga nagahulam sa ila.
Ang tukuron nga team ang magaconduct sang operations kag maga-monitor sang mga reklamo.
