Ginaduso sa karon ni Senator Erwin Tulfo ang 20% discount sa mobile load kag internet services para sa mga Pilipino nga estudyante.
Ini agud mabuligan ang mga pamilya nga nabudlayan sa gasto para sa online learning.
Sa idalom sang Senate Bill No. 2275 ukon Student Load Discount Act, sakop sang proposed discount ang mobile prepaid load, mobile postpaid plans kag mobile internet packages.
Suno kay Tulfo, tikang ini nga ginaproponer agud mabuhinan ang gasto sang mga estudyante kag ginikanan.
Sakop sini ang naka-enroll sa elementary, high school, technical-vocational kag higher education, apang indi kaupod ang post-graduate studies.
Ginalauman nga kun mapasar ini nga hagna, magamit ang 20% discount sa bilog nga tuig, lakip ang weekends kag holidays.
