Ginbuyagyag ni Senator Panfilo Lacson nga ila na nga gin-ugyunan sang iya mga kaupdanan sa Senate majority bloc nga si Senador Francis Escudero ang mangin presiding officer sang impeachment court nga magadumala sang kaso batok kay Vice President Sara Duterte.
Suno kay Lacson, ila na na-istoryahan sang mayorya nga si Escudero ang ginpili bangud sang iya eksperyensya sa impeachment proceedings kag bilang isa ka abogado.
Madumduman nga si Escudero nagserbe man bilang Presidente sang impeachment court sang tuig 2025.
Apang, gin-athag ni Lacson nga wala pa napat-od ang desisyon kag mahimo pa ini mabag-o sa ila masunod nga mga hearing.
May kaangtanan sini, ginpanginwala ni Lacson nga may yara sang ano man nga kabaylo ukon kasugtanan sa posible nga pagbutang kay Escudero sa pwesto.
Suno sa iya, ang diskusyon nagpabor lamang sa pagpasiguro sang matalunsay kag patas nga proseso sang impeachment court.
Sa pihak nga bahin, ginapaabot nga maga-umpisa ang hearing sa impeachment court sa Hulyo 6, 2026, samtang may nakatalana nga pre-trial conference subong nga adlaw nga posible nga patigayunon nga pribado sa publiko.
Ang impeachment case bato kay VP Sara Duterte ang nakabase sa mga alegasyon nga naglakip sang paglapas sini sa Konstitusyon, graft and corruption, betrayal of public trust, pagpanuhol, kag iban pa nga nga mga akusasyon.
