Kasunod sang pagbag-o sang liderato sa senado, gin-athag sang utod ni anay SP Alan Peter Cayetano nga Sen. Pia Cayetano nga wala ini sang may nakita nga problema sa pagbag-o sang liderato sa Senado.
Ini matapos mapili-an si Senador Sherwin Gatchalian bilang bag-o nga Senate President matapos nangin kumpleto nga 13 ang nagtambong sa special session kahapon nga adlaw.
Suno pa sa Senadora nga importante ang pagsunod sa layi kag mga patakaran sang Konstitusyon.
Dugang pa sini nga wala sang problema kon nasunod ang insakto ang proseso sa pagpili sang liderato.
Suno pa kay Cayetano nga matapos sini makig-istorya kay Sen. Joel Villanueva, klaro nga ang ila mga kaupod sa pihak nga chamber may nagakaigo na nga numero agud makapili sang bag-o nga Senate President.
Dugang pa sini nga ang liderato sa isa ka demokratiko nga institusyon indi permanente kun sa diin ginpahulam lamang ini sa ila.
Madumduman nga nag-serbe si Senator Alan Peter Cayetano bilang Senate President sang Mayo 11 matapos ang pagbag-o sa mayorya nga nag-ilis sa nagligad nga liderato ni Senador Vicente Sotto III.
