Nagalaom naman ni Senator Joel Villanueva nga mapresentar sa ikalima State of the Nation Address (SONA) ni President Ferdinand Marcos Jr. ang magalawig nga programa para sa sektor sang trabaho, edukasyon kag mga tikang agud mabatuan ang gutom, kag indi lang ang mga promisa nga wala sang konkreto nga direksyon.
Suno kay Villanueva, ginalauman sang mga Pilipino nga masolbar sang administrasyon ang mga nagapanguna nga problema sang pungsod kaangay sang kakulangan sang trabaho, pagtaas sang presyo sang mga balaklon, kaimulon kag ang mga pagpanghangkat sa sektor sang edukasyon.
Kadungan sini, ginpahayag man ni Villanueva nga dapat man nga tutukan sang gobyerno ang pagpapaayo sang kalidad sang edukasyon, dala na diri ang pagsolbar sang kakulangan sang mga classrooms, manubo nga lebel sang literacy kag ang mga insidente sang kinagamo sa eskwelahan.
Ginpahayag man sang senador nga padayon sini nga ginaduso ang layi nga mapabaskog ang edukasyon kag trabaho, kag suportaran ang mga prayoridad sang ginaduso nga Legislative-Executive Development Advisory Council (LEDAC).
Para kay Villanueva, ang basehan sang kadalag-an sang SONA amo nga kun makahatag ini sang mas madamo nga trabaho, makabulig nga mabuhinan ang gutom kag makahatag sang mas manami nga buwas-damlag para sa kada Pilipino.
