Gindepensahan ni Department of the Interior and Local Government Secretary Jonvic Remulla si anay Mayor Jed Patrick Mabilog nga isa lamang ini ka biktima sang ‘war on drugs’ sa tion sang Duterte administration.
Suno kay Secretary Remulla, gin-gamit sang nagligad nga adminitrasyon ang polisiya sang ‘war on drugs’ agud pilion kung sin-o ang ila nga kaaway sa politika nga nangin rason sang pagpalagyo ni Mabilog sa Estados Unidos.
Gintawag niya man si Mabilog nga isa ka “exceptional leader” sang Iloilo kag subong ang naga-serbisyo bilang undersecretary sang DILG.
Gin-athag man ni DILG Secretary Remulla nga nga wala pa natapos ang war on drugs apang ara na ini karon sa maayo nga proseso kag may yara na sang justice kag compassion.
