Ginalantaw sang isa ka public law expert nga kon mapamatud-an nga may liability ang security guard sa pagpanakit sa estudyante nga nagabaligya sang sampaguita sa Manduluyong City, mahimo ini magapangatubang sang kaso.
Sa interview sang Bombo Radyo kay Atty. Joenar Pueblo, Bombo Abogado, iya ginpahayag nga mahimo pasakaan sang kaso ang security guard sang slight physical injuries.
Suno kay Pueblo, nagalain ang pagtan-aw sang layi kag ini ang nakadependi sa factual situation sang kaso.
Gin-athag man sang natungdan nga isa sa labing-importante gid sa layi amo ang pagprotekta sa mga kababainhan.
Nagapati man ini nga wala sang rason ukon lugar nga magpanakit sang babaye bisan ano man ang sirkumstansya.
