Paga-imbestigaran sang Department of Agriculture’s Inspectorate and Enforcement office (DA-IE) sa idalom sang mandato ni Agriculture Secretary Francisco Tiu Laurel Jr., ang gina alegar smuggling sang carrots, broccoli kag ang iban pa nga mga highland vegetables.
Kaangot diri, magapatigayon sang monitoring operation ang ahensya sa Baguio City kag La Trinidad, Benguet, kasunod sang nasambit nga report.
Suno sa DA-Cordillera, nadakpan sang Oktubre 15 sa Baguio Hangar Market ang tatlo ka stall nga nagabaligya sang imported broccoli, lakip na ang isa ka tindahan nga nadakpan nga Styrofoam box nga may label nga “Product of China”.
Dugang pa sini ang 50 ka box sang broccoli naga-presyo sang P1,250 kada isa nga nakuha sa isa ka supplier sang Santo Cristo, Divisoria.
Sa nasambit nga lugar, yara ang retail price sang nasambit nga produkto sa P170 tubtob P250 kilo.
Ini ang isa sa mga rason nga ginakabalak-an sang local farmers ilabi na nga makabig nila nga pagpanghangkat ang pagbaligya sang mga locally grown products kag daw kaangay nga mas pabor ang iban nga mga customers magbakal sang barato nga mga imported supplies.
Nahibaluan nga padayun nga gina-inspeksyon sang nagakalain-lain nga mga ahensya kaupod ang Department of Interior and Local Government (DILG), Department of Trade and Industry (DTI), Local Government Units, kag mga market stakeholders ang mga import documents, plant quarantine compliance, food safety requirements, pati ang proper price tagging kag product labeling agud malikawan ang kaangay nga sitwasyon.
Text by: Bombo Paula Yvonne Alavarta
