Nagpatigayon liwat sang protesta ang mga aktibista, grupo sang mga tumandok, kag mga estudyante sa Igorot Park sa Baguio City bilang pagpamatok sa programa nga Pax Silica kag sa nakatalana nga pagbisita ni US President Donald Trump sa Pilipinas.
Ginkondenar man sang mga nagprotesta ang pag-aresto sa mga partisipante sang protest caravan sa Muntinlupa City sang Nobyembre 15.
Ginpahayag sang mga nagprotesta ang ila pagpamatok sa ginapahayag nga pagpugong sang gobyerno sa kinamatarong sang mga pumuluyo nga magpahayag sang ila mga opinyon kag balatyagon.
Ginkwestyon man nila ang daku nga pondo nga gin-pain para sa pagbisita ni Trump, nga suno sa ila mas maayo nga gingamit na lang sa edukasyon, healthcare services, kag iban pa nga serbisyo publiko.
Nahibaluan nga ang Pax Silica isa ka global initiative nga nagatinguha nga masiguro ang suplay sang semiconductors kag iban pa nga materyales para sa digital industry.
Lakip sa plano sang Pilipinas ang pagtukod sang technology hub sa New Clark City sa Tarlac.
Apang suno sa pila ka nagprotesta, mahimo ini makaapekto sa mga komunidad sang mga tumandok bangud sa pagmina sang mga mineral sa Cordillera.
Ginpunto man sang mga nagprotesta ang ila pagpamatok sa amo nga programa kag sa pagbisita sang presidente sang Estados Unidos sa tunga sang paghiwat sang ASEAN Summit.














