ILOILO– Nangin matalunsay ang ginpatigayon nga solemn mass kag episcopal ordination sa Ilonggo nga pari nga maga magaserbe Auxiliary Bishop sa Cebu City.
Gin-umpisahan sang isa ka prusisyon ang nasambit nga pag-orden kay Most Rev. Fr. Midyphil Billones kaina sang aga sa Jaro Metropolitan Cathedral.
Lakip sa mga nagtambong sa seremonya amo sanday Archbishop Gabriele Giordano Caccia, papal nuncio to the Philippines, Manila Archbishop Luis Antonio Cardinal Tagle, Jaro Archbishop Jose Romeo Lazo, Cebu City Archbishop Jose Serofia Palma, Davao City Archbishop emeritus Fernando Robles Capalla, mga arsobispo, obispo kag mga pari sa pungsod.
Isa man sa ginbantayan amo ang homily ni Manila Archbishop Luis Antonio Cardinal Tagle.
Nangin sentro sang homily ni Tagle amo ang ang pagpalangga sa Ginuo, sa kaugalingon kag sa tagsa ka pamilya.
Nagpahayag man si Tagle sang iya nga pagsuporta kag pagpalangga kay Billones.
Nangin emosyonal man si Billones sa homily ilabi pa nga wala nakatambong ang iya immediate family nga lunsay na nagtaliwan.
Samtang, ginpasalamatan ni Cebu City Auxiliary Bishop Billones ang tanan nga nangin kabahin sang iya kabuhi ilabi na gid ang seminarians nga ginkabig na niya nga kaugalingon nga anak.
Naghatag man si Billones sang mensahe sa mga taga-Cebu kun sa diin siya ang magaserbe nga Auxiliary Bishop.
