ILOILO CITY – Nagapalanakit ang lawas sang 18 anyos nga soltero sa Brgy. Balabago, Jaro, Iloilo City matapos ang ginapahayag ginsudlan sang malain nga espirito sang damlag lang.
Ang lalaki amo si Denden.
Sa interview sang Bombo Radyo kay Denden, iya ginpahayag nga wala siya sang may nadumduman sa natabo sang Hunyo 23 sa diin ginabanta pito ka oras naglawig ang iya iya pag-possess.
Samtang suno naman kay Little Cabangal, nagbulig kay Denden nga ma-umpawan, isa ka babaye ang una nga nagsulod sa lawas sang soltero.
Magluwas sa babaye, may yara man sang ginatumod si Denden nga 10 ka mga espirito nga nagasulod sa iya nga kwarto nga sang ulihe daw kaangay nga ginabulos-bulosan ang iya lawas sulod sang mga espirito nga lunsay naman mga lalaki.
Dugang pa ni Cabangal, indi mangin madinalag-on ang panulay kun may yara sang pagtuo sa Ginoo ang tawo.
