Nalakip ang Antique sa mga lugar nga ginapaandaman sang posible matabo nga storm surge sa masunod nga 24 oras.
Yellow warning ang gin-isyu sa probinsya nga nagakahulugan sang estimated storm surge heights nga lab-ot sa 1-2 meters.
“A HIGH RISK OF LIFE-THREATENING STORM SURGE may occur within the next 24 hours. There is a possibility of inundation from rising sea water along with high waves in the low lying coastal communities,” suno sa state weather bureau.
Ginapahanumdom sa publiko nga maglikaw anay sa mga baybayon, ikanselar ang mga hilikuton sa dagat, kag magsaylo sa mas mataas nga lugar nga malayo sa baybay kag sa surge-prone areas.
Nahibaluan nga sa alas dos sa kaagahon nga weather bulletin sang PAGASA subong nga Myerkules, Nobyembre 5, nabutang sa Signal Number 2 ang Antique lakip na ang Caluya Islands bangud sa Bagyo Tino nga subong yara na sa coastal waters sang northern Palawan.
