Magapabilin nga bukas ang Strait of Hormuz samtang nagapadayon ang ceasefire sa Middle East.
Ginpahayag ini ni Iranian Foreign Minister Abbas Araghchi.
Nahibaluan nga bangud sa pag-pauntat sang pagpasulod sa Strait, nga isa sa nagapanguna nga ginakuhaan sang langis sa bilog nga kalibutan, madamo nga mga pungsod ang naapektuhan sa pagmahal sang gatong nga nagapanguna nga kinahanglan sa transportasyon.
Gin-abi-abi naman ni US President Donald Trump ang announcement sang Iran nga buksan ang Strait of Hormuz sa mga barko samtang epektibo ang ceasefire.
Nag-post si Trump sang “Thank You” sa iya nga Truth Social platform.
Ginsiling man sini nga nagapadayon pa ang ila pag-istoryahanay sang Iran apang wala pa sang daku nga kinalain negosasyon.
