ILOILO CITY – Dako ang epekto sang mga kabataan subong nga COVID-19 pandemic.
Sa interview sang Bombo Radyo kay Engr. Nilo Jardeleza, advocate for natural ways of healing, iya ginpahayag nga ang mga kabataan sa subong ang yara sa reverse isolation.
Suno kay Jardeleza, ang mga kabataan sa subong ang na-stress kag nagabatyag sang boredom bangud nadula na ang ila social interaction.
Ginpahayag sang natungdan nga may dako ini nga epekto sa ila cognitive capacity kag nagahina ang ila pag-intindi.
Bangud naka-isolate ang mga kabataan, kalabanan sa mga ini ang nagatutuk na lang sa mga gadgets kag natamaran na nga maghulag kaangay na lang sang pag-ehersisyo.
Kulang naman suno sa natungdan ang dopamine ukon ginatawag nga chemical messenger nga hormone kag neurotransmitter nga may importante nga rolyo sa utok kag lawas nga nagaresulta sa unique human ability sa pagpanumdom kag pagplano.
Panugyan sang natungdan nga giyahan sang mga ginikanan ang ila mga kabataan subong nga pandemya.
