Iloilo City – Nagapadayon pa ang imbestigasyon sang Bureau of Fire Protection sa gintunaan sang sunog sa Blumentritt St. Barangay Muelle Loney, Iloilo City Proper.
Sa interview sang Bombo Radyo kay Punong Barangay Edgar Roga, iya ginpahayag nga naghalin ang kalayo sa balay ni Delia Singson.
Suno kay Roga, siyam ang totally burned kag duha ang partially burned nga mga pamalay sa nagluntad nga sunog.
Ini nga numero ang posible magbag-o pa suno sa opisyal sa tion nga matipon ang tanan nga mga impormasyon.
Sa subong, padayon pa nga ginahibalo ang balor sang nagkalaupos nga propedad.
Temporaryo naman nga matinir ang mga nasunugan sa Day Care Center sa nasambit nga barangay.
