𝗜𝗟𝗢𝗜𝗟𝗢 𝗖𝗜𝗧𝗬 – Nagresulta sa trahedya ang pagsaulog kuntani sang paskwa sang isa ka indibidwal matapos nagbunggo ang ginamaneho sini nga SUV sa poste sa atubang sang Plaza Libertad sa JM Basa Street, Iloilo City Proper.
Sa interview sang Bombo Radyo kay Elmer Sacay, driver sang e-bike, iya ginpahayag nga bag-o lang siya naghalin sa kilid sang karsada sang nagbunggo ang SUV sa poste.
Suno kay Sacay, santo sa mga naka-witness sa insidente, madasig ang pagpadalagan sang SUV.
Bangud sa mabaskog nga impact, natumba gid ang poste.
Gilayon naman nga gindala sa ospital ang wala ginpangalanan nga driver.
Ginapatihan naman nga hubog ang driver bangud nagapanimaho pa ini sang ilimnon sang gin-rescue.
