Kanselado ang tanan nga biyahe sang sakayang pandagat sa banwa sang Ajuy bangud sang hanging habagat.
Sa interview sang Bombo Radyo kay Philippine Coast Guard Iloilo Spokesperson Ensign El John Ga, iya ginpahayag nga ang banwa lamang sang Ajuy ang nag-anunsyo sang sang cancellation of trips pakadto sa Negros Occidental and vice versa.
Samtang, nagapabilin naman sa normal ang biyahe sang fiberglass boats kag roro vessels nga Iloilo to Guimaras and vice versa sa Parola Wharf kag roro vessels halin Dumangas Port to Negros Occidental.
Yara naman sa light to moderate ang wind and sea condition sa Iloilo-Guimaras Strait gani sarang gihapon makabiyahe ang mga fiber boats.
Wala naman sang may na-record nga untoward maritime incident sa syudad kag probinsya sang Iloilo halin sang weekend sa pihak sang hanging habagat.
Nagpahanumdom naman ang Coast Guard Iloilo sa tanan nga manugpangisda kag sa mga may plano magbiyahe nga tsekyaron gid ang lakat sang panahon kag mag-monitor sa mga weather and travel advisories agud malikawan ang disgrasya.
By: Bombo Xandee Bryan Balogo
