ILOILO CITY– Nagakinahanglan nga maghimo sang task force ang tagsa ka syudad kag munisipalidad nga separado sa tricycle regulatory board bilang pagsunod sa Department of the Interior and Local Government memorandum circular 2020-036, nga nagaban sang mga tricycle nga maglabay sa mga national roads.
Sa interview sang Bombo Radyo kay Department of the Interior ang Local Government City Director Roy Defiño, iya ginpahayag nga ang nasambit nga task force ang pagapangunahan sang alkalde sang syudad, mangin vice chair ang Philippine National Police City Director, samtang mangin miyembro naman ang Public Safety Transportation and Management Office, Liga ng mga barangay kag iban pa nga talatapan sang city government.
Suno kay Defiño, ang pagpatigayun sang meeting, public consultation kag hearing sa mga stakeholders, pagpatigayun sang ocular inspection sa area sa diin naga-operate ang mga tricycles, kag pagpasigurado nga wala sang may nagalabay nga mga pedicabs kag tricycles sa national highway.
Pahayag pa ni Defiño, santo sa memorandum , ginabawal ang paglabay sang mga tricycles sa national highway bangud man sa mataas nga kaso sang mga road traffic accidents.
Nahibaluan nga ginahulat nalang mga mapermahan ni Iloilo City Mayor Jerry Treñas ang Executive order agud makapatawag na sang meeting.
