PAVIA, ILOILO – Naglab-ot sa kapin P30,000 nga balor sang shabu ang nakuha gikan sa tatlo ka durugista nga nadakpan sa buy bust operation sa Brgy. Ungka 2, Pavia, Iloilo.
Nadakpan sang gintingob nga pwersa sang Pavia PNP, Regional Mobile Force Battalion 6 kag Regional Drug Enforcement Unit ang subject person nga si Carlo Defensor Estorninos, 29 anyos sang Aquino Nobleza Street, Janiuay, Iloilo
Dakop man si Jay Velasco Alejandro, 46, anyos, driver sang Melvin Taxi nga may plate number FAA-1570 sang Brgy. Boulevard, Molo, Iloilo, City kag pasahero nga si Benjamin Lozada Supita, 57 anyos sang Brgy. Balaticon, Calinog, Iloilo kag isa ka ex-convict.
Nakuha kay Estorninos ang 16 ka sachet sang suspected shabu kag buy bust money nga P26,800, coin purse kag drug paraphernalia.
Nakuha naman kay Alejandro ang 8 ka sachet sang suspected shabu, P4,020 nga kwarta kag cellphone.
