ILOILO CITY – Laoman nga maabot subong nga semana ang test kits kag Personal Protective Equipment halin sa Korea.
Suno kay Iloilo City Mayor Jerry Treñas, ang test kits kag Personal Protective Equipment ang para sa syudad sang Iloilo apang may yara sang nakit-an nga gamay nga problema ang alkalde kun ini na ang mag-abot sa Metro Manila.
Pahayag niya, palaligban pa kun paano ma dala ang test kits kag Personal Protective Equipment sa syudad apang kuntani may yara sang may mapahulam nga eroplano sa pagtransport sang mga nasambit nga pagkabutang.
Samtang ginkumpirma man ni Mayor Trenas nga may yara sang myembro sang Philippine National Police nga yara subong sa Iloilo Diamond Jubilee Hall kag gina isolate bangud ginakabig ini nga Person Under Investigation.
Suno kay Trenas, nagasakit ang tutunlan kag nagahilanat ang pulis kag may yara sang travel history sa Metro Manila.
Sa subong, ginatinguhaan na sang Iloilo City Health Office nga mahibaluan ang tanan nga persona nga naka close contact sang nasambit nga pulis bangud ini siya ang na designar sang damlag lang sa border checkpoint sa syudad.
