Nagsingkal pa ang word war sa tunga nanday suspended Negros Oriental 3rd district Rep. Arnolfo Teves, Jr. kag Justice Secretary Jesus Crispin “Boying” Remulla kag ang paghabuyanay sang alegasyon kaangot sa imbestigasyon sa pagpatay kay late Negros Oriental Governor Roel Degamo.
Una nga nanghangkat si Teves kay Remulla nga pamatud-an ang pahayag sini nga nag-apply siya para sa citizenship sa Timor-Leste; bangud kun may mapakita nga ebidensya ang tiglikom suno kay Teves, magapauli siya sa Pilipinas kag magpaluthang.
Kun indi man mapamatud-an suno sa kongresista, dapat nga mag-resign gilayon si Remulla.
Wala naman ginsapak sang tiglikom ang hangkat sang mamalidha.
Suno kay Remulla, wala siya sang dapat pamatud-an kag dapat nga si Teves ang magpauli sa Pilipinas kag atubangon ang iya mga kaso-kriminal. #
