Arestado ang isa sa Top 10 Provincial Most Wanted Person sang Iloilo kahapon nga adlaw Hulyo 29, matapos ang ginpatigayon nga manhunt operation sa Brgy. Ipil, Calinog.
Ginkilala ang suspek kay alyas Poldo, 41-anyos, kag residente man sang nasambit nga barangay.
Ginpatigayon ang operasyon sang Calinog Municipal Police Station matapos nga gindagdag ang arrest warrant sa suspek bangud sa kaso sini nga Homicide.
Base sa impormasyon sang Police Regional Office, ginpaguwa ang arrest warrant sang Hulyo 27 sang Presiding Judge sang Regional Trial Court, Branch 76, sa Janiuay, Iloilo.
Nahibaluan nga may piyansa nga P120,000 ang nasambit kaso agud temporaryo ini nga makaguwa sa ginpasaka sa iya nga reklamo.
