Dungan nga ginpatunog sang pila ka mga opisyal sang Department of Health kag iban pa nga ahensya ang ila mga kaldero kag iban pa nga gamit sa balay bilang pag-umpisa sa kampanya nga “Iwas Paputok ngayong Holiday Season.”
Pito ka alternatibo nga pamaagi ang ginplastar sang ahensya agud mangin giya sang publiko sa pagsaulog sang paskwa kag bag-ong tuig.
Ini ang ginalakipan sang paghampak sang drum, pagpasiga sang glow sticks, pagbusina, paghampak sang kaldero, pag-uyog sang alkansiya, paggamit sang tambourine kag pagpatukar sang matunog nga musika.
Suno kay Health Undersecretary Myrna Cabotaje, wala nila ginarekomenda sa publiko ang paggahod gamit ang torotot.
“Huwag po tayong gagamit ng pampaingay na gumagamit sa bibig that will cause the tranfer of saliva. So ‘yung mga pito (whistle), ‘yung mga torotot, bawal po ngayon ‘yan. Kailangan naka-mask pa rin at nagsosocial diatancing,” pahayag ni Cabotaje.
Sa record sang ahensya, nabuhinan sang 35% ang fireworks-related injury humalin sang Disyembre 21, 2019 tubtub sa pagsulod sang Enero 1, 2020.
Mas manubo naman ini sang 87 ka kaso halin sa total nga 251 cases sang ginsugata ang tuig 2019.
Nagapanguna nga rason sang insidente ang pagpalupok sang pwitis, lusis, fountain kag piccolo.
May yara naman sang existing nga memorandum circular ang Department of Interior and Local Government (DILG) sa diin santo sa Republic Act 7183, ginahugtan ang manufacturing, pagbaligya kag paggamit sang firecrackers kag iban pa nga sahi sang palupok.
Suno kay Department of Interior and Local Government Assistant Secretary Odilon Pasaraba, sa idalom sang layi, ginamanduan ang kada local government unit nga magpahamtang sang designated area kun sa diin lang mahimo magsindi sang palupok ang mga residente.
“It is the mandate of the LGUs to protect their constituents, promote their general welfare, and ensure that their fireworks-related local ordinances, are will implemented and followed by their constituents,” pahayag ni Pasaraba.
Samtang, gin-athag naman ni Department of Trade and Industry (DTI) Undersecretary Ruth Castelo, nga wala sang suggested retail price (SRP) ang produkto kaangay sang firecrackers kag fireworks bangud wala man ini ginakabig nga basic necessity.
Nagpahanumdom man si Castelo sa mga magabakal sang palupok nga dapat siguraduhon nga may nakabutang sa packaging nga name, brand ukon trade name, kag address sang manufacturer,” ani Trade Usec. Ruth Castelo.
“Just in case may makita tayo in the retail market, please make sure na ito yung label na nakalagay sa packaging: name, brand or trade name, and address of the manufacturer,” pahayag ni Castelo.
“Of course it has to be made in the Philippines dahil bawal ang importation ng fireworks na finished product, that is by laws. It should have warning and precautionary signs, appropriate instructions for use, and then look for Philippine Standard mark issued by DTI.”
Nakaalerto na ang Philippine National Policeagud magsaway ang mga nagapatigayon sang mass gatherings kag nakahanda man ang Bureau of Fire Protection sa posible pagluntad sang sunog.
