ILOILO CITY- Gusto mo bala magpahubog apang ang beer nga imo inumon naghalin sa imburnal?
Didto sa Germany, ginhimo nila nga beer ang tubig nga halin mismo sa imburnal bilang pamaagi sa pag-recycle sang tubig kag batuan ang water shortage kag climate change.
Suno sa kompaniya, ang purification process ang tuman ka komplikado kag ginahimo ini sa apat ka stages.
Ang resulta amo ang manamit nga brew.
Sa tion nga na-treat na ang tubig, ginasimpunan ini sang barley, hops kag yeast agud mangin sampat nga beer nga ila ginatawag nga “Reuse Brew”.
Suno sa mga nakatilaw sini, manamit ang beer nga halin sa tubig sa imburnal.
Gin-athag naman sang kompaniya nga wala pa ini ginabaligya sa merkado.
