Maga-atubangay liwat ang delegasyon sang Iran kag Estados Unidos sang Amerika agud padayunon ang napalpak nga peace talk.
Suno kay US President Donald Trump, posible nga magbalik ang dayalogo sa Pakistan sa masunod nga duha ka adlaw.
Ginkumpirma man sang Gulf, Pakistani, kag Iranian officials nga magabalik ang negotiating teams sang Washington kag Tehran sa Islamabad subong nga semana.
Nahibaluan nga sang Domingo sang aga, oras sa Pilipinas, gin-anunsyo ni US Vice President JD Vance nga napaslawan sila sang Iran nga makalab-ot sa kasugtanan bangud indi magsugot ang Tehran sa mga terms nga ginatanyag sang Amerika. Nagsabat naman ang Iran nga indi rasonable ang mga demand sang US.
Ang peace talk sa Pakistan amo ang highest-level nga pag-istoryahanay sang US kag Iran halin sang natabo ang 1979 Islamic Revolution
Bangud sang amo nga hitabo, ginmandu ni Trump sa US Navy nga balabagan ang mga barko nga nagasulod kag nagaguwa sa Strait of Hormuz nga amo naman ang nagpasaka liwat sang tension sa Middle East kag nangin rason man kun ngaa nagtimbuok liwat ang presyo sang langis sa global market.
