Nagdangat na sa P17.71 trillion ang utang sang Pilipinas sa pagtakop sang 2025.
Sandig ini sa data nga ginpaguwa sang Bureau of the Treasury.
Suno sa ahensya, ang utang sang gobyerno sa pagtapos sang Disyembre 2025 ang nagtaas pa sang 10.32% ukon P1.66 trillion halin sa utang nga P16.05 trillion sang Disyembre 2024.
Lapaw man ang kantidad sa ceiling ukon ang maximum lang kuntani nga utangon sang gobyerno nga amo ang P17.36 trillion.
Isa sa ginrason sang ahensya amo ang epekto sang pagluya sang balor sang Peso batok sa US dollar kag third currencies lakip na ang Euro kag ang Japanese Yen.
Gindugang man sang ahensya nga kadam-an sa utang sang Pilipinas ukon 68.4% ang naghalin man mismo diri sa pungsod.
Ang foreign debt ukon ang utang naman sa luwas sang pungsod naglab-ot sa P5.59 trillion nga mas mataas sang 9.19% halin sa P5.12 trillion sa katapusan sang 2024.
Sandig sa Budget of Expenditures and Sources of Financing, ginalantaw nga subong nga tuig,magatimbuok pa sa P19.057 trillion ang sovereign debt sang Pilipinas.
