Nagtimbuok pa sa P13.86 trillion ang utang sang Pilipinas sa katapusan nga bahin sang Marso nga 0.8% nga mas mataas ipaanggid sa P13.75 trillion nga utang sang Pebrero.
Sandig sa ginreport sang Bureau of Treasury, sa sini nga utang sang national government, 31.3 percent ang nagikan sa luwas sang pungsod samtang 68.7 percent naman ang domestic nga utang.
Ang domestic nga utang ang katumbas sang P9.51 trillion samtang ang utang naman sa guwa sang pungsod ang nagsaka sa P4.34 trillion nga pareho nga tag-0.8 percent nga mas mataas ipaanggid sa lebel sang utang sang Pebrero.
Sa bulan sang Marso, yara sa P104.15 billion ang gin-utang sang gobyerno sang Pilipinas.
Halin sang nagpungko si President Ferdinand ‘Bongbong’ Marcos, Jr. naglab-ot na sa P1.06 trillion ang nahulam sang national government.
Matandaan nga sang tion ni former President Rodrigo Duterte, kalabanan sa utang sang Pilipinas ang ginpain para sa Covid-19 response kag sa ginduso nga mga proyekto sa imprastraktura. #
