Magapungko si Vice-President kag Department of Education (DepEd) Secretary Sara Duterte-Carpio bilang co-vice chairman sang anti-insurgency task force sang Pilipinas ukon ang kontrobersyal nga National Task Force to End Local Communist Armed Conflict (NTF-ELCAC)
Kaupod sini nga vice chairman sang task force si National Security Adviser Eduardo Año.
Nagapati si Año nga ang may mabulig ang papel ni Duterte-Carpio bilang education secretary, bangud ginpasirado sini anay ang mga eskwelahan nga ginpahayag may kaangtanan sa communist movement.
Ginpahayag pa ni Año nga eksperyensyado ang bise-presidente kaangot sa task force bangud nangin mayor man ini sang Davao City.
Gintukod ang NTF-ELCAC sang 2018 sa idalom sang administrasyon ni former president Rodrigo Duterte nga amay sang Vice-President.
Katuyuan sini nga ma-address ang dinekada na nga insurhensya sa pungsod, apang ginpakamalaot man ini sang publiko bangud ginpahayag nga gin-akusaran sini ang mga aktibista, unibersidad, journalists, health workers, government critics, kag celebrities nga naga-trabaho kaupod sa mga rebelde nga grupo. #
