Nagapanawagan si Vice President Sara Duterte nga padasigon ang proseso sang impeachment case batok sa iya.
Suno pa sa bise presidente indi na dapat maglawig pa ang trial samtang nagapabilin nga indi klaro sa publiko kun matuod bala ang mga alegasyon batok sa iya.
Suno kay Duterte, ginatugyan niya sa iya spokesperson kag defense team ang pag-atubang sa impeachment proceedings kag dako ang iya pagsalig sa iya mga abogado.
Ginpahayag man niya nga indi kinahanglan ang iya personal nga presensya agud mapadasig ang proseso.
Ini bangud suno sa iya nga present na ang iya mga abogado nga nagarepresentar sa iya.
Ginpunto man niya ang 1987 Philippine Constitution, nga nagapahayag sang kinahanglan madasig nga pagdumala sang mga proceedings.
Ini nga pahayag ni Duterte ang natabo sang nagbisita ini sa Zamboanga City kun sa diin nagbisita ini sa haya sang Grade 10 student nga napatay sa school shooting incident sa Ateneo de Zamboanga University.
